شرقپور کے محلہ مظفر علی روڈ نزد نیا دروازہ سے تعلق رکھنے والا نوجوان فرزند علی جس نے 2013 میں پاکستان میں منعقد ہونے والے ویسٹ ایشیا بیس بال کپ میں پاکستان کی نمائندگی کرتے ہوئے اس ٹورنامنٹ میں حصہ لیا تھا۔ اور نہ صرف اپنے علاقے شرقپور بلکہ اپنے ملک پاکستان کا نام بھی روشن کیا تھا۔ اس ٹورنامنٹ میں پاکستان نے سری لنکا کو فائنل میں ہرایا تھا۔ فرزند علی اب 2014 سے پولیس ڈیپارٹمنٹ سے وابسطہ ہے اور آج کل وہ ڈولفن سکواڈ لاھور میں اپنی خدمات سرانجام دے رہا ہے۔ اس کے علاوہ فرزند علی کرکٹ کا بھی ایک اچھا کھلاڑی ہے اور شرقپور جمخانہ کرکٹ کلب کی طرف سے بھی کھیلتا رہا ہے۔
فرزند علی شرقپور کے ان نوجوانوں میں شامل ہے جنہوں نے اپنے اس علاقے شرقپور اور ملک کا نام روشن کیا ہے۔ مگر بدقسمتی سے ہمارے علاقے شرقپور کے لیے صاحب اقتدار لوگوں نے کچھ نہیں کیا۔ اس علاقے میں نہ تو نوجوانوں کو کھیلوں کے لیے کوئی میدان یا سپورٹس کمپلیس مہیا کیا گیا ہے۔ اور نہ ہی کبھی ایسے ٹیلنٹ کی پزیرائی کی گئی ہے۔ تحصیل شرقپور کی سرزمین ایسے ٹیلنٹ سے بھری پڑی ہے۔ یہاں بے شمار ایسے ٹیلنٹڈ نوجوان ہیں جن کا ٹیلنٹ صرف ایس وجہ سے ضائع ہورہا ہے کہ ان کے پاس کھیلنے کے لیے نہ تو کوئی میدان ہیں نہ کوئی سہولیات۔ کبھی شرقپور کی ان کھیلوں کا جن میں کرکٹ، کبڈی، ہاکی اور والی بال جیسی ٹیمیں شامل تھیں ان کا پورے پنجاب میں ایک نام ہوا کرتا تھا اور پورے پنجاب سے ٹیمیں ان پلیرز کے ساتھ میچ کھیلنے کے لیے شرقپور آیا کرتی تھیں۔ مگر اب آہستہ آہستہ یہ کھیلیں خصوصا خصوصا کبڈی، والی بال اور ہاکی اس علاقے شرقپور سے دم توڑ رہی ہیں۔
اگر آپ دنیا کی ان قوموں کی مثال لیں جنہوں نے ترقی کی ہے تو انہوں نے ہمیشہ اپنی نوجوان نسل کے لیے سپورٹس کے شعبہ میں ہر وہ سہولت دی ہے جس سے نوجوان نسل نے نہ صرف اپنے ملک کا نام پوری دنیا میں روشن کیا بلکہ ملک کے لیے ملین آف ڈالرز بھی کمائے۔ امریکہ جیسے ملک میں جہاں رگبی ایک نہایت مقبول ترین کھیل ہے اس کے لیے الگ سے سپورٹس چینل بنے ہوئے ہیں جو صرف رگبی کا کھیل ہی دکھاتے ہیں اور یہ رگبی کا کھیل اور یہ سپورٹس چینل ملک کی معشیت میں ملین آف ڈالرز کا اصافہ کرتے ہیں۔ اس طرح اگر آپ ہالینڈ اور کویت جیسے چھوٹے ملکوں کی مثال لیں جو شاید آبادی کے لحاظ سے لاھور سے بھی چھوٹے ملک ہیں ان میں ہاکی اور فٹ بال کی سٹیڈیم پورے پاکستان میں موجود سٹیڈیمز سے بھی زیادہ ہیں۔ وجہ یہ ہے کہ وہ ملک جانتے ہیں کہ اگر وہ اپنی نوجوان نسل پر انوسٹمنٹ کریں گے تو اس سے ان کے ملک کا فائدہ ہوگا۔ اس طرح رشیا، چائنہ جاپان ، جرمنی، ہالینڈ اور بہت سے دوسرے ممالک شامل ہیں جنہوں نے سپورٹس کے زریعے اپنے ملکوں کا نام پوری دنیا میں روشن کیا ہے۔ مگر بدقسمتی سے ہمارے سیاسی لیڈروں کو شاید اس کا شعور نہیں اور نہ ہی ان کو اس چیز کا احساس یا ادراک ہے۔ پاکستان کرکٹ کا ورلڈ چمپین رہا ہے مگر آج کرکٹ کا جو حال ہے یہ سب کے سامنے ہے۔ اس کے علاوہ پاکستان ہاکی، سکوائش، سنوکر، کبڈی وغیرہ کا بھی ورلڈ چیمپین رہ چکا ہے مگر بدقسمتی سے ہمارے سیاسی لیڈروں نے اپنے اقتدار کو دوام دینے کے لیے ان پراجکیٹس پر کام کیا جن سے ان کو ووٹ مل سکتے تھے نہ کہ جس سے ملک کا فائدہ ہوتا اور ملک کا نام پوری دنیا میں روشن ہوتا اور اس سے آپ کی خارجہ پالیسی بہتر ہوتی دوسرے ملکوں کے ساتھ روابط مضبوط ہوتے، انوسٹمنٹ آتی اور ملک ترقی کرتا۔
پوری تحصیل شرقپور میں اس وقت کھیلنے کے لیے صرف ایک ہی گراونڈ (مڈل سکول والی گراونڈ) ہے جو کہ کھیل کے تقاضوں کو پورا نہیں کرتی۔ یہ نہایت چھوٹی گراونڈ ہے جہاں پر ٹینس بال تو کھیلی جاسکتی ہے مگر ہارڈ بال نہیں اور نہ ہی دوسرے کھیل۔ ایک اور بڑی وجہ تحصیل شرقپور میں وہ سرکاری زمین جہاں پر کھیل کے میدان بن سکتے ہیں وہاں پر قبضہ مافیا کا ہولڈ ہے اور ان میں سے زیادہ تر حکومتی پارٹی سے تعلق رکھنے والے افراد ہیں اس لیے کوئی اس چیز کی پروا نہیں کرتا۔ تحصیل شرقپور کے لیے سپورٹس کمپلیکس بھی منظور ہو چکا ہے مگر پچھلے 4 سال سے وہ بھی صرف پیپر ورکس کے علاوہ ابھی تک کہیں بھی بنتا ہوا نظر نہیں آیا۔ ابھی حال ہی میں یونین کونسل کوٹ محمود کے لیے سرکاری زمین جس پر قبضہ تھا اس کا فیصلہ آگیا ہے اور وہ زمین خالی کروا کر اس پر نوجوانوں کے لیے سپورٹس گراونڈ بنے گی۔ مگر دیکھیں یہ کتنے سالوں میں بنتی ہے۔ اس طرح بہت سے دوسرے سیاسی لیڈروں کی جانب سے کئی بار وعدے کیے جاچکے ہیں کہ وہ نوجوانوں کے لیے لازمی کچھ کریں گے۔ مگر ابھی تک وہ صرف باتیں ہی ہیں۔ پریکٹیکلی کہیں بھی کام ہوتا نظر نہیں آرہا۔ تحصیل شرقپور میں ہر یونین کونسل کے لیے کم ازکم ایک گراونڈ اور شرقپور شہر کے لیے ایک سٹیڈیم اور سپورٹس کمپلیس لازمی چاہیے۔ میری اہل اقتدار لوگوں سے گزارش ہے کہ آپ کا اقتدار شاید چند سال اور چلے مگر اگر آپ نے اگر اس علاقے کے نوجوانوں کے لیے کچھ کردیا تو آپ کا نام جب تک اس علاقے سے سپورٹس کے میدان میں سے ٹیلنٹ نکلتا رہے گا آپ کا نام بھی باقی رہے گئے۔ اس لیے اس طرف خصوصی توجہ دی جانے کی ضرورت ہے۔
ملک عثمان - شرقپور ڈاٹ کام